Nur-Sultan ákimi Altai Kólginov JRVI kezeńi men koronavirýstyń jańa tolqynyna qalanyń daiyndyǵy týraly aityp berdi, dep habarlaidy QazAqparat.
«Meditsinalyq infraqurylymǵa toqtalsaq, sanitar dárigerler boljamyna ári halyqaralyq tájiribege sáikes, kúzdegi JRVI kezeńinde airyqsha saq bolý kerek. Sebebi JRVI kezeńi COVID-19 virýsynyń taralýymen ýshyǵyp ketpeýi qajet. Bul, endi qoǵamnyń árbir múshesiniń tártibine bailanysty», - dedi elorda ákimi «Astana» telearnasyna bergen suhbatynda.
Sonymen qatar ol qaladaǵy densaýlyq saqtaý nysandaryna qajetti quraldar men apparattar satyp alynǵanyn jetkizdi.
«Osynyń barlyǵy bizdiń dárigerler men barsha meditsinalyq infraqurylym JRVI maýsymyna daiyn bolýy kerektigin kórsetip otyr. Karantindik sharalar indettiń taralýyn aitarlyqtai tómendetti, statsionarlardaǵy patsientter sany 10 esege jýyq azaidy», - dedi ákim.
Onyń aitýynsha, indettiń taralýy deńgeii joǵary kezeńde statsionarlarda bir mezgilde 4 myńnan astam adam boldy. Qazirgi kezde 380-ge jýyq adam bar. Pnevmoniiamen aýyrǵandar sany 12 esege azaidy.
