نۇر-سۇلتان ەكٸمٸ التاي كٶلگٸنوۆ جرۆي كەزەڭٸ مەن كوروناۆيرۋستىڭ جاڭا تولقىنىنا قالانىڭ دايىندىعى تۋرالى ايتىپ بەردٸ, دەپ حابارلايدى قازاقپارات.
«مەديتسينالىق ينفراقۇرىلىمعا توقتالساق, سانيتار دەرٸگەرلەر بولجامىنا ەرٸ حالىقارالىق تەجٸريبەگە سەيكەس, كٷزدەگٸ جرۆي كەزەڭٸندە ايرىقشا ساق بولۋ كەرەك. سەبەبٸ جرۆي كەزەڭٸ COVID-19 ۆيرۋسىنىڭ تارالۋىمەن ۋشىعىپ كەتپەۋٸ قاجەت. بۇل, ەندٸ قوعامنىڭ ەربٸر مٷشەسٸنٸڭ تەرتٸبٸنە بايلانىستى», - دەدٸ ەلوردا ەكٸمٸ «Astana» تەلەارناسىنا بەرگەن سۇحباتىندا.
سونىمەن قاتار ول قالاداعى دەنساۋلىق ساقتاۋ نىساندارىنا قاجەتتٸ قۇرالدار مەن اپپاراتتار ساتىپ الىنعانىن جەتكٸزدٸ.
«وسىنىڭ بارلىعى بٸزدٸڭ دەرٸگەرلەر مەن بارشا مەديتسينالىق ينفراقۇرىلىم جرۆي ماۋسىمىنا دايىن بولۋى كەرەكتٸگٸن كٶرسەتٸپ وتىر. كارانتيندٸك شارالار ٸندەتتٸڭ تارالۋىن ايتارلىقتاي تٶمەندەتتٸ, ستاتسيونارلارداعى پاتسيەنتتەر سانى 10 ەسەگە جۋىق ازايدى», - دەدٸ ەكٸم.
ونىڭ ايتۋىنشا, ٸندەتتٸڭ تارالۋى دەڭگەيٸ جوعارى كەزەڭدە ستاتسيونارلاردا بٸر مەزگٸلدە 4 مىڭنان استام ادام بولدى. قازٸرگٸ كەزدە 380-گە جۋىق ادام بار. پنەۆمونييامەن اۋىرعاندار سانى 12 ەسەگە ازايدى.
