Koronavirýsty emdeýge arnalǵan dárilik zattardyń 38 pozitsiiasy boiynsha preparattardyń 2 ailyq qory bar. Bul týraly halyq aldynda esep berý kezdesýinde QR Densaýlyq saqtaý ministri Aleksei Tsoi aitty, dep habarlaidy QazAqparat.
«Dárimen qamtamasyz etýde irkilisterdi boldyrmaý úshin biryńǵai distribiýtordyń qoimalarynda Sovid-19-dy emdeýge arnalǵan dárilik zattardyń 38 pozitsiiasy boiynsha 6 mlrd teńgeden astam somaǵa preparattardyń 2 ailyq qory aiyna 60 myń patsientti qamtý úshin qalyptastyryldy», - dedi ministr Ortalyq kommýnikatsiialar qyzmetinde.
Onyń aitýynsha, qazirgi ýaqytta zerthanalyq PTR-testileýdiń qýaty táýligine 123 myńǵa deiin jetkizildi.
«Qalalarda ýaqytyly meditsinalyq kómek kórsetý úshin 16 modýldik infektsiialyq aýrýhanasy salyndy. 36 myńǵa jýyq tósek-oryn ottegimen qamtamasyz etilgen. Meditsinalyq uiymdardyń ókpeni jasandy jeldetý apparattaryna qajettiligi tolyq qamtamasyz etildi», - dedi A. Tsoi.
Budan buryn habarlanǵandai, Aleksei Tsoi aýrýhanalarda infektsiialyq oryndardyń júktemesi týraly túsinik berdi.
