كوروناۆيرۋستى ەمدەۋگە ارنالعان دەرٸلٸك زاتتاردىڭ 38 پوزيتسيياسى بويىنشا پرەپاراتتاردىڭ 2 ايلىق قورى بار. بۇل تۋرالى حالىق الدىندا ەسەپ بەرۋ كەزدەسۋٸندە قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«دەرٸمەن قامتاماسىز ەتۋدە ٸركٸلٸستەردٸ بولدىرماۋ ٷشٸن بٸرىڭعاي ديستريبيۋتوردىڭ قويمالارىندا سovid-19-دى ەمدەۋگە ارنالعان دەرٸلٸك زاتتاردىڭ 38 پوزيتسيياسى بويىنشا 6 ملرد تەڭگەدەن استام سوماعا پرەپاراتتاردىڭ 2 ايلىق قورى ايىنا 60 مىڭ پاتسيەنتتٸ قامتۋ ٷشٸن قالىپتاستىرىلدى», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, قازٸرگٸ ۋاقىتتا زەرتحانالىق پتر-تەستٸلەۋدٸڭ قۋاتى تەۋلٸگٸنە 123 مىڭعا دەيٸن جەتكٸزٸلدٸ.
«قالالاردا ۋاقىتىلى مەديتسينالىق كٶمەك كٶرسەتۋ ٷشٸن 16 مودۋلدٸك ينفەكتسييالىق اۋرۋحاناسى سالىندى. 36 مىڭعا جۋىق تٶسەك-ورىن وتتەگٸمەن قامتاماسىز ەتٸلگەن. مەديتسينالىق ۇيىمداردىڭ ٶكپەنٸ جاساندى جەلدەتۋ اپپاراتتارىنا قاجەتتٸلٸگٸ تولىق قامتاماسىز ەتٸلدٸ», - دەدٸ ا. تسوي.
بۇدان بۇرىن حابارلانعانداي, الەكسەي تسوي اۋرۋحانالاردا ينفەكتسييالىق ورىنداردىڭ جٷكتەمەسٸ تۋرالى تٷسٸنٸك بەردٸ.
