Búginde elimizde 12 jastan asqan jasóspirimder Pfizer vaktsinasyn alyp jatyr. Osy oraida espe alǵan balalardyń mártebesi Ashyq júiesi arqyly kórsetile me? Úkimet úiinde tilshilerdiń bul suraǵyna elimizdiń Densaýlyq saqtaý ministri Aleksei Tsoi jaýap berdi, dep habarlaidy QazAqparat.
«Qazirgi ýaqytta koronavirýsqa qarsy ekpe alǵan balalarǵa vaktsinatsiia pasportyn berý máselesi qaralyp jatqan joq. Degenmen ekpe alyp jatqan jasóspirimder tirkelip jatyr. Iá, balalarǵa arnalǵan vaktsinatsiia pasporty týraly surap jatqan azamattar bar. Koronavirýsqa qarsy vaktsina balalarǵa kishkentai kezinde salynatyn egý sekildi, ár balanyń egý pasporty bar. Sondyqtan vaktsina alǵany týraly bólek pasport berýdiń qajeti shamaly. Al Ashyq júiesine kelsek, ol tek úlken adamdarǵa qatysty», - dedi Tsoi.
