Koronavirýs indetine bailanysty shekaralyq beketterde tekserý jumystary kúsheitilgen, dep habarlaidy QazAqparat.
Bul týraly QR Densaýlyq saqtaý ministrliginiń resmi ókili Dias Ahmetshárip málimdedi.
«Biylǵy jyldyń 2-4 aqpany aralyǵynda Qazaqstanǵa basqa elderden memlekettik shekara pýnktteri arqyly 127 myń 573 adam kirdi. 2020 jyldyń 1 qańtarynan bastap, 764 683 adam keldi. 2-4 aqpan aralyǵynda 8 676 azamat QR halyqaralyq áýejailarynda qaraldy. Onyń ishinde 8 092 jolaýshy jáne 584 ekipaj múshesi bar. Bir jasqa deiingi bir baladan dene qyzýy anyqtaldy. Meditsinalyq qyzmetkerler bul balaǵa JRVI diagnozyn qoidy», - Dias Ahmetshárip Qazmedia ortalyǵynda ótken brifingte.
Aita keteiik, 6 qańtardan bastap, búginge deiin Qazaqstanǵa Qytaidan 30 394 qazaqstandyq keldi.
5 aqpanǵa deiin JRVI belgileri bar 104 adam aýrýhanaǵa jatqyzyldy, 71 adam aýrýhanadan shyǵaryldy. 33 patsient statsionarda qaldy.
Álem boiynsha, jańa koronavirýs saldarynan qaza tapqandar sany búgin 490-ǵa jetti.
