Qazaqstanda tótenshe jaǵdaidyń jariialanýyna bailanysty QR Qarýly Kúshteriniń biologiialyq qorǵaý bólimsheleri nysandarǵa dezinfektsiia júrgizýde. Bul týraly Ortalyq kommýnikatsiialar qyzmetindegi baspasóz máslihatynda aityldy, dep habarlaidy QazAqparat.
«QR Qarýly kúshteriniń jeke quramy tótenshe jaǵdaidy qamtamasyz etýge belsendi qatysýda. Memleket basshysy azamattardyń densaýlyǵyn qorǵaý jáne zańdy quqyqtaryn saqtaý týraly tapsyrma berdi. Aldyn ala ázirlik qajetti kúshter men quraldardy mobilizatsiialaýǵa jáne daiyndyq kúiine keltirýge múmkindik berdi. Koronavirýs infektsiiasynyń taralý qaýpiniń aldyn alý úshin qarýly kúshterdiń biologiialyq qorǵaý bólimshesi arnaiy tehnikany qoldana otyryp territoriialar men nysandarǵa dezinfektsiia jasaýǵa kiristi», - deidi QR Qorǵanys ministriniń orynbasary Timýr Dándibaev.
Ol áskeri meditsinalyq mekemeler azamattardyń densaýlyǵyn qorǵaý úshin qajetti kómek kórsetýge daiyn ekenin aitty.
«Bul úshin dárigerlik 24 top quryldy. QR Densaýlyq saqtaý ministrligimen bailanys ornatyldy. Áskeri qyzmetshiler ishki ister organdarymen birlesip eldi mekender men Nur-Sultan, Almaty qalalaryndaǵy karantindi aýmaqtarda blok-posttardy kúzetýde. Bul sharalar koronavirýstyń elimizde taralýynyń aldyn alady. Qarýly Kúshter qoldanatyn sharalarǵa túsinistikpen qaraýǵa shaqyramyz», - deidi ol.
