Nur-Sultan qalasynda koronavirýs infektsiiasyn juqtyrǵan patsientterdiń búireginiń zaqymdalǵany anyqtaldy. Bul jaily tolyǵyraq qalalyq densaýlyq saqtaý basqarmasynyń basshysy Sáýle Qisyqova aityp berdi, dep habarlaidy "Ult aqparat".
«Koronavirýs infektsiiasy údetetin aýrýdyń biri – búirektiń qatty zaqymdanýy. Nur-Sultan qalasynda mundai jaǵdai tirkeldi. Ondaida salalyq mamandardyń tartylýymen konsiliým ótkizilip, diagnostika men emdeýdiń joǵary tehnologiialy amal-ádisteri qoldanylady.
Qaýipti jaǵdailarda jasalatyn osyndai amal-ádister kóbinese oń áser beredi.
Búirektiń zaqymdaný jaǵdaiy Qazaqstanda, bizdiń Nur-Sultanda da, álem elderinde de bar», - dedi Sáýle Qisyqova OKQ-da ótken baspasóz máslihatynda.
