Braziliiada koronavirýstan ólim-jitim sany artyp keledi. Portýgaliia tótenshe jaǵdai rejimin jeńildete bastady. Al Germaniiada vaktsinatsiia qarqyn alýda, dep habarlaidy "Ult aqparat".
Braziliia pandemiia qurbandarynyń sany boiynsha álemde ekinshi orynǵa shyqty. Munda COVID-19 virýsynan kóz jumǵandar sany 400 myńnan asty. Sońǵy bir táýliktiń ózinde 3001 adam qaitys boldy. Eldiń densaýlyq saqtaý ministrliginiń málimetinshe, koronavirýs juqtyrýdyń 69 389 jańa jaǵdaiy anyqtaldy. SARS-CoV-2 juqtyrǵandardyń eldegi jalpy sany 14,5 millionnan asty.
Portýgaliiada bes aiǵa deiin jalǵasqan tótenshe jaǵdai rejimi jeńildetilýde. 1 mamyrdan bastap meiramhanalar, kafeler men barlar, sondai-aq teatrlar, kinoteatrlar jáne basqa da mádeni, oiyn-saýyq oryndary demalys kúnderi saǵat 22.30-ǵa deiin qyzmet kórsete alady. Buǵan deiin komendanttyq saǵat demalys kúnderi saǵat 13.00-den engizilgen. Sonymen qatar saýda ortalyqtaryna jumys kúnderi saǵat 21.00-ge deiin jáne demalys kúnderi saǵat 19.00-ge deiin jumys jasaýǵa ruqsat etildi. Budan bólek, 1 mamyrdan bastap Ispaniiamen qurlyq shekarasy ashylady.
Robert Koh institýtynyń habarlaýynsha, Germaniiada 29 sáýir kúni, bir kúnde 1 millionnan astam adamǵa koronavirýs infektsiiasyna qarsy vaktsina egildi. Bul rette, 970 295 adam ekpeniń birinshi komponentin alsa, 118 657 adam ekinshi komponentin qabyldaǵan. Qazirgi ýaqytta vaktsinanyń birinshi dozasyn Germaniia turǵyndarynyń 25,9% aldy. Al ekpeniń eki dozasyn da qabyldaǵan halyqtyń jalpy úlesi 7,5% quraidy.
