برازيلييادا كوروناۆيرۋستان ٶلٸم-جٸتٸم سانى ارتىپ كەلەدٸ. پورتۋگالييا تٶتەنشە جاعداي رەجيمٸن جەڭٸلدەتە باستادى. ال گەرمانييادا ۆاكتسيناتسييا قارقىن الۋدا, دەپ حابارلايدى "ۇلت اقپارات".
برازيلييا پاندەمييا قۇرباندارىنىڭ سانى بويىنشا ەلەمدە ەكٸنشٸ ورىنعا شىقتى. مۇندا COVID-19 ۆيرۋسىنان كٶز جۇمعاندار سانى 400 مىڭنان استى. سوڭعى بٸر تەۋلٸكتٸڭ ٶزٸندە 3001 ادام قايتىس بولدى. ەلدٸڭ دەنساۋلىق ساقتاۋ مينيسترلٸگٸنٸڭ مەلٸمەتٸنشە, كوروناۆيرۋس جۇقتىرۋدىڭ 69 389 جاڭا جاعدايى انىقتالدى. SARS-CoV-2 جۇقتىرعانداردىڭ ەلدەگٸ جالپى سانى 14,5 ميلليوننان استى.
پورتۋگالييادا بەس ايعا دەيٸن جالعاسقان تٶتەنشە جاعداي رەجيمٸ جەڭٸلدەتٸلۋدە. 1 مامىردان باستاپ مەيرامحانالار, كافەلەر مەن بارلار, سونداي-اق تەاترلار, كينوتەاترلار جەنە باسقا دا مەدەني, ويىن-ساۋىق ورىندارى دەمالىس كٷندەرٸ ساعات 22.30-عا دەيٸن قىزمەت كٶرسەتە الادى. بۇعان دەيٸن كومەندانتتىق ساعات دەمالىس كٷندەرٸ ساعات 13.00-دەن ەنگٸزٸلگەن. سونىمەن قاتار ساۋدا ورتالىقتارىنا جۇمىس كٷندەرٸ ساعات 21.00-گە دەيٸن جەنە دەمالىس كٷندەرٸ ساعات 19.00-گە دەيٸن جۇمىس جاساۋعا رۇقسات ەتٸلدٸ. بۇدان بٶلەك, 1 مامىردان باستاپ يسپانييامەن قۇرلىق شەكاراسى اشىلادى.
روبەرت كوح ينستيتۋتىنىڭ حابارلاۋىنشا, گەرمانييادا 29 سەۋٸر كٷنٸ, بٸر كٷندە 1 ميلليوننان استام ادامعا كوروناۆيرۋس ينفەكتسيياسىنا قارسى ۆاكتسينا ەگٸلدٸ. بۇل رەتتە, 970 295 ادام ەكپەنٸڭ بٸرٸنشٸ كومپونەنتٸن السا, 118 657 ادام ەكٸنشٸ كومپونەنتٸن قابىلداعان. قازٸرگٸ ۋاقىتتا ۆاكتسينانىڭ بٸرٸنشٸ دوزاسىن گەرمانييا تۇرعىندارىنىڭ 25,9% الدى. ال ەكپەنٸڭ ەكٸ دوزاسىن دا قابىلداعان حالىقتىڭ جالپى ٷلەسٸ 7,5% قۇرايدى.
