Úndistanda koronavirýs indeti órship, dári-dármek jetispeýde. AQSh-ta koronavirýstan 130 mln adam vaktsinalandy. Portýgaliia, Shveitsariia men Sloveniiada karantindik shekteýler jeńildetildi, dep habarlaidy "Ult aqparat".
Úndistan aýrýhanalarynda tósek-oryn, ottegi qory jáne qarapaiym dári-dármekter jetispeýde. Dúisenbiden bastap Deli qalasynda alty kúnge lokdaýn jariialandy. Óitkeni qalada ótken 24 saǵat ishinde 273,8 myń adam indetti juqtyryp, táýliktik syrqattanýshylyqtyń jańa rekordtyq kórsetkishin kórsetti. ⠀
Kanadanyń Ontario provintsiiasynda indettiń kúrt ósýi baiqalǵan. Eldiń Premer-ministri bul jaǵdai alańdatarlyq ekenin jetkizdi. Provintsiiaǵa qosymsha aýrýhana jabdyqtary men meditsinalyq qyzmetkerler jiberiledi.
AQSh biligi vaktsinatsiia naýqanynyń mańyzdy kezeńin atap ótti: Elde eresekterdiń jartysy vaktsinanyń kem degende bir dozasyn alǵan – bul shamamen 18 jastan asqan 130 million adam.
Jazǵy demalys maýsymy qarsańynda Gretsiia jańa ereje engizdi: tolyq vaktsinatsiiadan ótken nemese teris nátijesi bar anyqtama kórsetken EO, Ulybritaniia jáne AQSh azamattary mindetti aptalyq karantinnen bosatylady. ⠀
Tailand biligi apta boiy syrqattanýdyń rekordtyq kórsetkishi tirkelgennen keiin statistikanyń azdap tómendegenin atap ótti. Sońǵy táýlikte elde tek 1390 adam aýyryp qaldy, bul jergilikti dárigerlerdiń aitýynsha, optimizmdi týdyrady. Sońǵy ýaqytta kúndelikti kórsetkishter 1700 adamnan tómen bolmaǵan. ⠀
Portýgaliiada dúisenbiden bastap meiramhanalar, saýda ortalyqtary, mektepter men ýniversitetter ashylady. Bilik shekteý sharalarynyń jeńildetilýine bailanysty áleýmettik araqashyqtyqty saqtaý erejelerin jáne basqa da epidemiologiialyq normalardy qatań saqtaý óte mańyzdy ekenin jetkizdi. Buzýshylyqtar úshin úlken aiyppuldar qarastyrylǵan. ⠀
Shveitsariia da birqatar shekteý sharalaryn jeńildetti. Meiramhanalar men kafeler ashyq terrassalarda klientterge qyzmet kórsetýge oraldy, keibir sport nysandary ashyldy, stýdentter dúisenbiden bastap kúndizgi oqýǵa oralady. ⠀
Sloveniiada qyzmet kórsetý salasynyń edáýir bóligi, onyń ishinde meiramhanalar men sulýlyq salondary qaita ashylýda. Chernogoriiada dúisenbiden bastap oqýshylar mektepterine oralady.
