Batys Qazaqstan oblysynda koronavirýs indetin juqtyrǵan sońǵy eki naýqastyń bireýi Reseiden kelgen, dep habarlaidy "Ult aqparat".
Aita keteiik, óńirde infektsiiany juqtyrýdyń jańa oqiǵalary 13 sáýir kúni anyqtalǵan bolatyn.
BQO shuǵyl shtabynan málim etkenindei, olardyń ekeýi de – áielder, 46 jáne 38 jastaǵy oblys turǵyndary.
Olardyń biri Reseiden kelgen. «Tasqala» avtoótkelinde sanitarlyq-karantindik beket qyzmetkerleri tekserip, saýalnama júrgizgen kezde eshqandai shaǵymy bolmaǵan. Sodan keiin bas memlekettik sanitarlyq dárigerdiń biylǵy 9 sáýirdegi №32 qaýlysyna sáikes zerthanalyq tekserý úshin karantindik statsionarǵa jiberildi.
Ekinshi áiel budan buryn koronavirýs anyqtalǵan meditsina qyzmetkerimen qarym-qatynasta bolǵan.
Diagnostikalyq zertteýler qorytyndysymen eki áielde de COVID-19 tabylǵannan keiin, olar oblystyq juqpaly aýrýlar aýrýhanasyna jatqyzyldy.
Naýqastarmen bailanysta bolǵan adamdar anyqtalý ústinde. Aýrý oshaqtarynda dezinfektsiialyq jumystar júrgizildi.
Osylaisha óńirde aýyrǵandar sany 11-ge jetti, olardyń bireýi jazylyp shyqty.
Eske sala keteiik, budan buryn Oralda meditsina qyzmetkeriniń koronavirýs juqtyrǵanyn, óńirde indetpen kúresip jatqan 215 meditsina qyzmetkerine 22,6 mln teńge somasyna syiaqy tólengenin jazǵan bolatynbyz.
Sońǵy málimetter boiynsha, BQO-da naýqastar sany 11-ge jetti.
