Batys Qazaqstan oblysynda koronavirýs juqtyrǵan sońǵy eki naýqas ta Reseiden kelgen bolyp shyqty, dep habarlaidy "Ult aqparat".
Óńirdiń shuǵyl shtaby málim etkenindei, olardyń biri – BQO-nyń 22 jastaǵy, ekinshisi – Aqtóbe oblysynyń 23 jastaǵy turǵyny.
Bulardyń ekeýi de Reseide vahtalyq ádispen jumys isteitin, buryn koronavirýs anyqtalǵan azamatpen birge kelgen.
Karantindik statsionarǵa jatqyzylǵannan keiin zerthanalyq synama alynyp, koronavirýsqa shaldyqqany belgili boldy.
Qazirgi kezde oblystyq juqpaly aýrýlar aýrýhanasynda jatqan eki naýqastyń da jaǵdaiy qanaǵattanarlyq.
Aýrý oshaqtarynda dezinfektsiialyq jumystar júrgizildi.
Osylaisha BQO-da aýyrǵandar sany 32-ge jetip, sonyń ekeýi jazylyp shyqty.
Kúni búgin óńirde provizorlyq statsionarda 148, karantindik statsionarda 81 adam jatsa, 1396 adam úilerinde oqshaýlanǵan.
Eske sala keteiik, budan buryn BQO-da sońǵy tirkelgen tórt naýqastyń Reseiden kelgenin jazǵan bolatynbyz.
