Batys Qazaqstan oblysynda koronavirýs boiynsha qolaisyz shet elderden kelgen 74 adam karantinde jatyr, dep habarlaidy QazAqparat.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń málim etkenindei, barlyǵy 265 adam baqylaýǵa alynǵan.
Sonyń ishinde 191-i úiden baqylanýda.
Keshe Germaniiadaǵy Frankfýrttan Oralǵa qazaqstandyq 8 azamat ushyp keldi. Olardyń barlyǵy «Ivýshka» ońaltý ortalyǵyna 14 kúnge jatqyzyldy.
Jalpy, 100 oryndyq «Ivýshka» ortalyǵynan basqa Terekti aýdany Aqjaiyq aýylynda taǵy bir sondai statsionar (20 oryndyq) ázirlengen, ol rezervte tur. Osyndai statsionarlar Kýmyska eldi mekeni men Báiterek aýdany Peremetnyi aýylynda da bar.
«Sonymen qatar provizorlyq statsionar da bar. Iaǵni adamnan tumaý belgisi baiqalsa, onda oblystyq juqpaly aýrýlar aýrýhanasyna jatqyzylady. Qazirgi kezde óńirde epidemiologiialyq ahýal turaqty», dedi N.Mustaev.
