Koronavirýsqa bailanysty Batys Qazaqstan oblysynda shet elderden kelgen 89 adam baqylaýda tur, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵali Aryspaevtyń aitýynsha, koronavirýs óńirde tirkelgen joq.
Bul juqpaly derttiń taralýyna jol bermeý maqsatynda basqa elderden kelgenderge táýlik boiy monitoring júrgizilýde.
Koronavirýstyq infektsiia boiynsha qolaisyz elderden kelgen barlyq adamdar úsh sanatqa bólinedi.
Atap aitqanda, 1-sanat «A» – Iran, Italiia. 1-sanat «B» – QHR, Germaniia, Ońtústik Koreia, Frantsiia, Ispaniia.
2-sanat: Aýstriia, Belgiia, Daniia, Katar, Norvegiia, Niderlandy, BAÁ, Shvetsiia, Shveitsariia.
3-sanat: Ázerbaijan, Ulybritaniia, Irak, AQSh, Liýksembýrg, Sloveniia, Chehiia, Japoniia.
Óńirde koronavirýsqa zerthanalyq zertteý «Ulttyq saraptama ortalyǵy» BQO filialynda júrgiziledi.
Bas memlekettik sanitarlyq dárigerdiń biylǵy 12 naýryzdaǵy №20 qaýlysyna sáikes oblysta 9 balalar oiyn-saýyq ortalyǵy jabyldy.
Batys Qazaqstannyń Reseidiń bes oblysymen shektesetini belgili.
«Qazirgi tańda Orynbor, Samara, Saratov oblysymen shektesetin avtoótkelderde, sondai-aq Jánibek, Bókei ordasy aýdandarynda, «Shaǵan» ótkizý beketinde epidemiologtar tekserýler men saýalnamalar júrgizýde. Kúdikti jaǵdai bolsa, sol boida tiisti sharalar alynady», dedi M.Aryspaev.
