Almaty qalasy ákiminiń orynbasary Erjan Babaqumarov qala turǵyndaryna koronavirýs infektsiiasynyń belgileri baiqalǵan jaǵdaida emhanaǵa barmaý jóninde keńes berdi, dep habarlaidy QazAqparat.
Erjan Babaqumarovtyń aitýynsha, koronavirýs belgileri anyqtalǵan jaǵdaida emhanaǵa barmai, birden jedel járdem shaqyrý kerek. Óitkeni virýs odan ármen taraýy múmkin.
«Mańyzdy bir keńes - eger sizden koronavirýs simptomdary baiqalsa, meditsinalyq mekemege barmaǵanyńyz abzal. Sebebi virýs odan ári taralýy múmkin. Habarlassańyz infektsiialyq boksqa tasymaldaý máselesi sheshiledi», – dedi E. Babaqumarov.
Sonymen qatar, ol úiinde karantinde jatýdan bas tartqandar úshin jaza engizilýi múmkin ekenin jetkizdi.
«Biz máslihattan karantinde bolýy tiis, biraq oqshaýlanýdan bas tartqan adamdarǵa jaza qoldanýdy suraimyz», - dedi qala ákminiń orynbasary.
