Batys Qazaqstan oblysynda kúni búgin 92 adam karantinde jatyr, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń brifingte málim etkenindei, sonyń ishinde ekeýi oblystyq juqpaly aýrýlar aýrýhanasynda.
Sondai-aq 45 adam «Kýmyskadaǵy», 9-y Báiterek aýdanyndaǵy provizorlyq gospitalda, 36-sy «Ivýshka» karantindik statsionarynda jatyr.
Oǵan qosa 614 adam úi karantininde baqylanýda.
Keshe Batys Qazaqstan oblysynda eki áieldiń koronavirýspen aýrýhanaǵa jatqyzylǵany málim. Qazir olar tiisti em qabyldaýda, jaǵdailary qalypty.
«Koronavirýspen aýyrǵan eki adamnyń júrgen-turǵan jerleri anyqtaldy. Olarmen tikelei qarym-qatynasta bolǵandar karantinge jatqyzyldy. Qalǵandary úiden baqylanýda. Sonymen qatar osy eki adam turǵan úilerge (bireýi Oralda, ekinshisi Aqsaida) de shekteý qoiyldy. Iaǵni ár páterden bir adam ǵana maska kiip, qaýipsizdik talaptaryn saqtap, dúkenge azyq-túlik alyp kelýge bara alady. Nemese úilerine tamaq aldyrta alady», dedi Nurlybek Mustaev.
Eske sala keteiik, budan buryn BQO-da koronavirýs juqtyrǵan áieldiń bireýi Saratovtan, ekinshisi Atyraýdan kelgenin, jeke málimetterdiń taralýyna bailanysty qylmystyq istiń qozǵalǵanyn jazǵan bolatynbyz.
