باتىس قازاقستان وبلىسىندا كٷنٸ بٷگٸن 92 ادام كارانتيندە جاتىر, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ بريفينگتە مەلٸم ەتكەنٸندەي, سونىڭ ٸشٸندە ەكەۋٸ وبلىستىق جۇقپالى اۋرۋلار اۋرۋحاناسىندا.
سونداي-اق 45 ادام «كۋمىسكاداعى», 9-ى بەيتەرەك اۋدانىنداعى پروۆيزورلىق گوسپيتالدا, 36-سى «يۆۋشكا» كارانتيندٸك ستاتسيونارىندا جاتىر.
وعان قوسا 614 ادام ٷي كارانتينٸندە باقىلانۋدا.
كەشە باتىس قازاقستان وبلىسىندا ەكٸ ەيەلدٸڭ كوروناۆيرۋسپەن اۋرۋحاناعا جاتقىزىلعانى مەلٸم. قازٸر ولار تيٸستٸ ەم قابىلداۋدا, جاعدايلارى قالىپتى.
«كوروناۆيرۋسپەن اۋىرعان ەكٸ ادامنىڭ جٷرگەن-تۇرعان جەرلەرٸ انىقتالدى. ولارمەن تٸكەلەي قارىم-قاتىناستا بولعاندار كارانتينگە جاتقىزىلدى. قالعاندارى ٷيدەن باقىلانۋدا. سونىمەن قاتار وسى ەكٸ ادام تۇرعان ٷيلەرگە (بٸرەۋٸ ورالدا, ەكٸنشٸسٸ اقسايدا) دە شەكتەۋ قويىلدى. ياعني ەر پەتەردەن بٸر ادام عانا ماسكا كيٸپ, قاۋٸپسٸزدٸك تالاپتارىن ساقتاپ, دٷكەنگە ازىق-تٷلٸك الىپ كەلۋگە بارا الادى. نەمەسە ٷيلەرٸنە تاماق الدىرتا الادى», دەدٸ نۇرلىبەك مۇستاەۆ.
ەسكە سالا كەتەيٸك, بۇدان بۇرىن بقو-دا كوروناۆيرۋس جۇقتىرعان ەيەلدٸڭ بٸرەۋٸ ساراتوۆتان, ەكٸنشٸسٸ اتىراۋدان كەلگەنٸن, جەكە مەلٸمەتتەردٸڭ تارالۋىنا بايلانىستى قىلمىستىق ٸستٸڭ قوزعالعانىن جازعان بولاتىنبىز.
