Batys Qazaqstan oblysynda koronavirýspen aýyrǵan 16 adam jansaqtaý bóliminde jatyr, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, óńirde indetke shaldyqqandar sany 8564-ke jetip, sonyń 7591-i jazylyp shyqty.
Ókinishke qarai, 144 adam kóz jumdy.
Sońǵy táýlikte 41, bir aptada 260 adamnyń syrqattanǵany tirkeldi.
Pnevmoniiaǵa shaldyqqan 133 adam statsionarda jatsa, 50-i ambýlatorlyq em alýda.
Pnevmoniiadan barlyǵy 239 adam qaitty.
Tórt adam ókpeni jasandy jeldetý apparatyna, taǵy altaýy ottegi kontsentratoryna qosylǵan.
Qazirgi kezde juqpaly aýrýlar aýrýhanalarynda 141, karantindik statsionarlarda 48 adam em alýda.
Oblysta qyrkúiek aiynan beri 161 bala koronavirýs juqtyrǵan. Sonyń ishinde qyrkúiek aiynda - 4, qazanda - 5, qarashada - 102, jeltoqsanda 37 bala aýyrdy. Sondai-aq qarashada 12, jeltoqsanda 1 balabaqsha tárbielenýshisi syrqattandy.
Jeltoqsan aiynda Reseimen shektesetin memlekettik shekaradan 52459 adam ótti. Sonyń ishinde anyqtamasy joq 1651 adamnyń 29-ynan KVI tabyldy.
