باتىس قازاقستان وبلىسىندا كوروناۆيرۋسپەن اۋىرعان 16 ادام جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەنٸندەي, ٶڭٸردە ٸندەتكە شالدىققاندار سانى 8564-كە جەتٸپ, سونىڭ 7591-ٸ جازىلىپ شىقتى.
ٶكٸنٸشكە قاراي, 144 ادام كٶز جۇمدى.
سوڭعى تەۋلٸكتە 41, بٸر اپتادا 260 ادامنىڭ سىرقاتتانعانى تٸركەلدٸ.
پنەۆمونيياعا شالدىققان 133 ادام ستاتسيوناردا جاتسا, 50-ٸ امبۋلاتورلىق ەم الۋدا.
پنەۆمونييادان بارلىعى 239 ادام قايتتى.
تٶرت ادام ٶكپەنٸ جاساندى جەلدەتۋ اپپاراتىنا, تاعى التاۋى وتتەگٸ كونتسەنتراتورىنا قوسىلعان.
قازٸرگٸ كەزدە جۇقپالى اۋرۋلار اۋرۋحانالارىندا 141, كارانتيندٸك ستاتسيونارلاردا 48 ادام ەم الۋدا.
وبلىستا قىركٷيەك ايىنان بەرٸ 161 بالا كوروناۆيرۋس جۇقتىرعان. سونىڭ ٸشٸندە قىركٷيەك ايىندا - 4, قازاندا - 5, قاراشادا - 102, جەلتوقساندا 37 بالا اۋىردى. سونداي-اق قاراشادا 12, جەلتوقساندا 1 بالاباقشا تەربيەلەنۋشٸسٸ سىرقاتتاندى.
جەلتوقسان ايىندا رەسەيمەن شەكتەسەتٸن مەملەكەتتٸك شەكارادان 52459 ادام ٶتتٸ. سونىڭ ٸشٸندە انىقتاماسى جوق 1651 ادامنىڭ 29-ىنان كۆي تابىلدى.
