Koronavirýs BAQ-tyń transformatsiiasyn jedeldetip jiberdi. Astana Media Week 2020 sharasynyń «Mýltiplatformalylyq» plenarlyq sessiiasynda UNA halyqaralyq bóliminiń direktory Hazem Abdý osyndai pikir bildirdi, dep habarlaidy QazAqparat.
«Koronavirýs buqaralyq aqparat quraldarynyń transformatsiiasyn jedeldetip jiberdi. Dál búgin azamattar úshin buqaralyq aqparat quraldary kerek pe degen suraqqa jaýap berýimiz kerek. Jaýap, árine, iá kerek! Aqparatsyz eshkim de ómir súre almaidy», - dedi Hazem Abdý.
Áitse de onyń aitýynsha, qazirgi jaǵdaida buqaralyq aqparat quraldary óz jumysynda jańa, zamanǵa sai quraldardy paidalana bilýi tiis. Ol úshin jańa arnalar, jańa formattar men quraldar kerek.
Spiker sonymen birge jalǵan aqparattar týraly sóz qozǵai kele osynaý úrdistiń órshýiniń bir mysaly pandemiia ýaqytynda erekshe baiqalǵanyn jetkizdi. Hazem Abdýyń aitýynsha, álemniń keibir memleketterinde ásirese áleýmettik jelilerde jalǵan aqparat óte kóp tarap ketken.
«Eger osy úrdis údemegende indetten kóz jumǵandardyń da sany edáýir az bolar edi. Bul rette dástúrli aqparat quraldary tsifrlyq quraldarǵa ilese almai kele jatqanyn naqty fakt retinde qabyldai bilý kerek», - dedi ol.
Spiker sóz sońynda BAQ-ty ary qarai qalai damytý kerek degen másele boiynsha áli de oilaný kerektigin aitty.
