Almatydaǵy Halyk Arena sportpen ainalysý úshin qaita ashylady. Bul týraly megapolis ákimi Baqytjan Saǵyntaev «Almaty» telearnasyndaǵy tikelei efiri barysynda aitty, dep habarlaidy QazAqparat.
«KVI dertin táýliktik tirkeý sanynyń azaiýyna bailanysty úshinshi eshelonnyń infektsiialyq statsionarlaryndaǵy tósek-oryn qysqartylyp jatyr. Sonyń ishinde Halyk Arena sport keshenindegi kovid gospitaliniń jumysy toqtatylady. Kelesi aida ony negizgi profil boiynsha burynǵy jumys rejimine qaitarý josparlanyp otyr»,-dedi Almaty ákimi.
Sonymen qatar, Baqytjan Saǵyntaev qaladaǵy sanitarlyq-epidemiologiialyq ahýalǵa toqtaldy.
«9 qarasha kúni Almatyda 134 adamnan koronavirýs anyqtaldy. Onyń 130-y simptomdy, 8-i - anyqtalmaǵan pnevmoniia. Táýliktik ósim – 0,7%. Reprodýktivti sany - 0,88»,-dedi ol.
Baqytjan Saǵyntaev qala turǵyndaryn koronavirýsqa qarsy ekpe alýǵa shaqyrdy.
Jaqynda revaktsinatsiia bastalatynyna qaramastan, keibir qala turǵyndary vaktsinanyń alǵashqy komponentin áli alǵan joq.
Qala ákiminiń aitýynsha, almatylyqtar ózderin jáne jaqyndaryn qorǵaý úshin jaýapkershilik tanytyp, vaktsina alǵany jón.
