الماتىداعى Halyk Arena سپورتپەن اينالىسۋ ٷشٸن قايتا اشىلادى. بۇل تۋرالى مەگاپوليس ەكٸمٸ باقىتجان ساعىنتاەۆ «الماتى» تەلەارناسىنداعى تٸكەلەي ەفيرٸ بارىسىندا ايتتى, دەپ حابارلايدى قازاقپارات.
«كۆي دەرتٸن تەۋلٸكتٸك تٸركەۋ سانىنىڭ ازايۋىنا بايلانىستى ٷشٸنشٸ ەشەلوننىڭ ينفەكتسييالىق ستاتسيونارلارىنداعى تٶسەك-ورىن قىسقارتىلىپ جاتىر. سونىڭ ٸشٸندە Halyk Arena سپورت كەشەنٸندەگٸ كوۆيد گوسپيتالٸنٸڭ جۇمىسى توقتاتىلادى. كەلەسٸ ايدا ونى نەگٸزگٸ پروفيل بويىنشا بۇرىنعى جۇمىس رەجيمٸنە قايتارۋ جوسپارلانىپ وتىر»,-دەدٸ الماتى ەكٸمٸ.
سونىمەن قاتار, باقىتجان ساعىنتاەۆ قالاداعى سانيتارلىق-ەپيدەميولوگييالىق احۋالعا توقتالدى.
«9 قاراشا كٷنٸ الماتىدا 134 ادامنان كوروناۆيرۋس انىقتالدى. ونىڭ 130-ى سيمپتومدى, 8-ٸ - انىقتالماعان پنەۆمونييا. تەۋلٸكتٸك ٶسٸم – 0,7%. رەپرودۋكتيۆتٸ سانى - 0,88»,-دەدٸ ول.
باقىتجان ساعىنتاەۆ قالا تۇرعىندارىن كوروناۆيرۋسقا قارسى ەكپە الۋعا شاقىردى.
جاقىندا رەۆاكتسيناتسييا باستالاتىنىنا قاراماستان, كەيبٸر قالا تۇرعىندارى ۆاكتسينانىڭ العاشقى كومپونەنتٸن ەلٸ العان جوق.
قالا ەكٸمٸنٸڭ ايتۋىنشا, الماتىلىقتار ٶزدەرٸن جەنە جاقىندارىن قورعاۋ ٷشٸن جاۋاپكەرشٸلٸك تانىتىپ, ۆاكتسينا العانى جٶن.
