Atyraý oblysynyń ákimi Mahambet Dosmuhambetov koronavirýs infektsiiasynyń taraý qaýpiniń aldyn alý jáne sanitarlyq – epidemiologiialyq sharalardy kúsheitý maqsatynda májilis ótkizdi, dep habarlaidy "Ult aqparat".
Májiliske jaýapty organ jetekshileri men «Teńizshevroil» JShS, «Embimunaigaz» AQ, «Nort Kaspian Opereiting Kompani N.V.» kompaniiasy, «Ulttyq indýstriialyq munai-himiia tehnoparki» arnaiy ekonomikalyq aimaǵynyń basqarýshy kompaniiasy» AQ syndy iri kásiporyndar jáne olardyń merdiger kompaniialarynyń basshylary men jaýapty mamandary qatysty.
Oblys kóleminde qaýipsizdikke qatysty jasalǵan jumystar jóninde oblystyq densaýlyq saqtaý basqarmasynyń basshysy Baitolla Ǵazizov baiandady.
Al iri kásiporyn ókilderi óńirde atalǵan qaýiptiń aldyn alý úshin birlesip áreket etýge múddeli ekenderin atap ótti. Vahtalyq ádispen myńdaǵan adam jumys isteitin iri kásiporyndar arnaiy oqshaýlaý oryndaryn daiyndap, meditsinalyq mamandardyń qyraǵylyǵyn arttyrǵan.
Iri kásiporyn jetekshileri oblystyq densaýlyq saqtaý basqarmasymen qoian-qoltyq jumys isteýdi kúsheitedi.
Oblys ákimi Mahambet Dosmuhambetov tiisti sala basshylaryna qaýipsizdik sharalaryn kúsheitýge bailanysty birqatar tapsyrma berdi.
