«Qyzyl» aimaqtaǵy Atyraý oblysynda koronavirýs infektsiiasynan 764 naýqas emdelip jatyr, dep habarlaidy "Ult aqparat".
Atyraý oblystyq sanitariialyq-epidemiologiialyq baqylaý departamentiniń málimetinshe, ótken táýlikte qaýipti indetke taǵy 62 adam shaldyqqan.
Onyń ishinde 11 adam – Atyraý qalasynyń turǵyndary. Bularǵa qosa Jylyoi aýdanynda – 1, Qyzylqoǵa aýdanynda – 5, Mahambet aýdanynda – 5, Qurmanǵazy aýdanynda 1 adamnan Sovid-19 infektsiiasy anyqtalǵan. Al Teńiz kenishinde koronavirýs juqtyrǵan 39 jumysshy tirkelgen.
«Covid-19 infektsiiasy 20 naýqasta simptomdy túrde ótýde. Sońǵy málimetke sáikes, ótken táýlikte koronavirýs infektsiiasynan 12 adam jazylyp shyqty» -dep habarlady oblystyq densaýlyq saqtaý basqarmasynyń baspasóz qyzmetinen.
Búginde 268 adam úi jaǵdaiynda emdelýde. Oblystyq infektsiialyq statsionarda 100, aýdandardaǵy statsionarda 16, Teńiz kenishindegi statsionarda 380 adam em-dom qabyldap jatyr.
