Bilim jáne ǵylym ministri Ashat Aimaǵambetov koronavirýs boiynsha test ótkizdi. Qazir ministr oqshaýlanyp jatyr, dep habarlaidy ministrliktiń baspasóz qyzmeti.
«Bilim jáne ǵylym ministri COVID-19 boiynsha testten ótti. Odan KVI anyqtalǵan joq. Ashat Qanatulynyń jaǵdaiy jaqsy. Áitse de bekitilgen reglamentke sáikes ol oqshaýlanyp, qashyqtan jumys isteitin bolady», - delingen habarlamada.
Jýyq arada ministr qaitadan analizden ótedi.
BǴM baspasóz qyzmeti ministrdiń bekitilgen reglament boiynsha testten ótetinin habarlaidy. Sebebi Ashat Aimaǵambetov memlekettik organdardyń ózge ókilderimen, onyń ishinde Densaýlyq saqtaý ministri Eljan Birtanovpen jumys barysynda jaqyn qashyqtyqta bolǵan.
Eske sala ketsek, keshe Densaýlyq saqtaý ministri Eljan Birtanov Facebook paraqshasynda koronavirýs juqtyrǵanyn habarlaǵan edi.
Sonymen birge, 12 maýsymda QR Premer-Ministri Asqar Mamin Jambyl oblysyna jumys saparymen baryp qaitty, onda Densaýlyq saqtaý ministri E.Birtanov ta bolǵan edi. Osyǵan bailanysty Úkimet basshysy da oqshaýlanýǵa májbúr bolyp otyr.
