QR Tsifrlyq damý, innovatsiialar jáne aeroǵarysh ónerkásibi ministrligi (QR TsDIAÓM) QR Densaýlyq saqtaý ministrligimen (QR DSM) birlesip «Ashyq» qosymshasyn ázirledi, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
QR TsDIAÓM, QR DSM «Atameken» ulttyq kásipkerler palatasymen birlesip, karantin sharalary kezeńinde qyzmeti shektelgen (spa-ortalyqtar, fitnes ortalyqtar, kinoteatrlar) biznes ókilderi arasynda pilottyq jobasyn ótkizýde. Endi, osy oryndarǵa barý úshin arnaiy QR-kodty skanerlep, kireberiste kórsetý qajet. Baǵdarlama óz kezeginde qyzyl, sary, kók jáne jasyl mártebelerge bólinetin táýekel dárejesin kórsetedi.
Qyzyl mártebe qozǵalysty shekteýdi, ambýlatoriialyq baqylaýdaǵy adamdar úshin úidi oqshaýlaýdyń qatań rejimin saqtaýdy bildiredi.
Sary - qozǵalysty ishinara shekteý, iaǵni patsientke úiden oqshaýlaý rejimin saqtaityn jerden 500 metrden aspaityn azyq-túlik jáne sharýashylyq dúkenderge, dárihanalarǵa barýǵa ruqsat etiledi.
Kók - PTR mindetti bolatyn oryndardan basqa (mysaly, áýejaida) qozǵalysqa eshqandai shekteýler joq.
Jasyl mártebe qozǵalysta eshqandai shekteýler joqtyǵyn bildiredi. Bul paidalanýshy derekter qorynda COVID-19 teris nátijesi bar PTR-testileýden ótken adam retinde kórsetilgen.
Atalǵan mártebelerdi kórsetý bizneske óz qyzmetin jalǵastyrýǵa jáne kelýshilerge qaýip tóndirmeýge múmkindik beredi. Kelýshilerde smartfon bolmaǵan jaǵdaida qosymshada úi-jaiǵa kirýdi baqylaityn qyzmetkerlerge arnalǵan fýnktsiia bar, olar kelýshiniń mártebesin JSN nemese jeke kýálikte ornalasqan shtrih-kodty skanerleý arqyly teksere alady.
Ótkizilgen pilottyq joba qoǵamdyq oryndarǵa (SOO, dúkender, meiramhanalar, dámhanalar, vokzaldar, áýejailar jáne t.b.) kirý úshin Qazaqstan Respýblikasynyń barlyq aýmaǵy boiynsha «Ashyq» mobildi qosymshasyn taralymyn kóbeitý merzimin odan ári anyqtaýǵa múmkindik beredi.
Aǵymdaǵy kezeńde «Ashyq» mobildi qosymshasy App Store jáne Play Market-ten júkteý úshin qoljetimdi.
