Sońǵy málimetter boiynsha, Armeniiada koronavirýsty anyqtaýǵa baǵyttalǵan jalpy 211 zerthanalyq synama júrgizilip, sonyń bireýi ǵana oń nátije kórsetti. Dúisenbiden bastap oqý mekemelerinde sabaq bastalady, dep habarlaidy "Ult aqparat".
Dúisenbi kúni koronavirýs taralýynyń aldyn alý jónindegi vedomstvoaralyq komissiianyń otyrysynda Armeniianyń Densaýlyq saqtaý ministri elde indet juqtyrýdyń jańa oqiǵalary tirkelmegenin málim etti.
«Osy ýaqytqa deiin Armeniiada jalpy 211 zerthanalyq synama júrgizilip, sonyń bireýinen ǵana koronavirýs anyqtalǵan», - dedi eldiń Densaýlyq saqtaý ministri Arsen Torosian.
Armeniia úkimetiniń sheshimi boiynsha, 9 naýryzdan bastap búkil respýblikadaǵy bilim berý mekemelerinde oqý protsesi qalpyna keltirildi. Buǵan deiin Armeniia úkimeti koronavirýstyń elde alǵashqy tirkelgen oqiǵaǵa bailanysty oqý protsesin ýaqytsha toqtatyp, kóktemgi demalysty josparlanǵan merzimnen bir apta erte aýystyrý sheshimin qabyldady.
«Biz úrdisterdi muqiiat baqylap, Densaýlyq saqtaý ministrimen birge epidemiologiialyq jaǵdaidy qadaǵaladyq, JRVI-ǵa shaldyqqan azamattar sanynyń qysqarǵanyn belgiledik. Oqý mekemelerinde sabaq toqtatýǵa sebep joq», - dep jazdy Facebook-tegi paraqshasynda Bilim ministri Araik Arýtiýnian.
Sonymen birge, úkimet sheshimi boiynsha, Armeniia men Iran arasyndaǵy vizasyz rejim týraly memorandýmnyń kúshi ýaqytsha toqtatylyp, Iranmen kommýnikatsiialarǵa ýaqytsha shekteý qoiý merzimin uzartty.
Eske sala keteiik, 1 naýryzǵa qaraǵan túni Armeniiada koronavirýs juqtyrýdyń alǵashqy jaǵdaiy anyqtaldy. Bir kún buryn Irannan kelgen Armeniia azamatynyń testi oń nátije kórsetti.
