Qazaqstannyń Profilaktikalyq meditsina akademiiasynyń prezidenti Almaz Sharman COVID-19-ǵa qarsy vaktsinatsiianyń tiimdiligi týraly aitty, dep habarlaidy QazAqparat.
Almaz Sharmannyń aitýynsha, álemdik sarapshylar pandemiianyń 2021 jyldyń ortasynda nemese sońynda aiaqtalatynyn boljap otyr.
Bul tiimdi jáne qaýipsiz vaktsinalardyń daindalýymen bailanysty. Qazir álemde mundai vaktsinalardy jasaý úshin 200-ge jýyq zerthana jumys istep jatyr.
«Koronavirýsqa qarsy Pfizer/BioTech jáne Moderna kompaniiasynyń vaktsinasy jaqynda synaqtan sátti ótti. Olardyń tiimdiligi 95 paiyzdan asqan. Bul óte joǵary kórsetkish. Eki vaktsina matritsalyq RNQ-nyń eń zamanaýi tehnologiiasyna negizdelgen. Onyń basty ereksheligi tek antidenelerdiń bólinýine ǵana emes ári jasýshalyq immýndyq áserine de yqpal etedi. Bul nátijelerdiń barlyǵy meditsina mamandarynyń boljamynan asyp tústi. Demek, ǵalymdar COVID-19-dy jeńý jolynda taǵy bir mańyzdy qadam jasaǵan syndy», - dedi ol.
Keler jyly birneshe milliard dozada túrli vaktsinalar óndiriledi dep kútilýde. Bul rette, álemde halyqty vaktsinatsiialaý máselesi túrli pikirler týdyrýda.
Professordyń sózinshe, vaktsinalar adamzatqa pandemiiadan qorǵaityn immýnologiialyq kópshikti qalyptastyrýǵa kómektesedi. Alaida, aǵzada koronavirýsqa qarsy beitarap antidenelerdiń qanshalyqty uzaq saqtalatyny jáne adamnyń qansha ýaqytqa immýnitetke ie bolatyny áli de belgisiz.
Eske salsaq, Qazaqstanda otandyq QazCovid-in vaktsinasyn klinikalyq zertteýdiń qorytyndy III kezeńiniń bastalýy maquldandy. Aldyn ala zertteý nátijeleri vaktsinanyń joǵary qaýipsizdigi, immýnogendiligi jáne tiimdilik deńgeiiniń 96% kórsetip jatyr.
Koronavirýstan qazaqstandyq vaktsinany jasaýshy ǵalym, professor Lespek Kútimbetov vaktsina ázirliktiń qandai fazasynda ekenin aitty.
Onyń aitýynsha, QR BǴM Ǵylym komiteti Biologiialyq qaýipsizdik problemalarynyń ǵylymi-zertteý institýty 5 vaktsina daiyndap jatyr.
Onyń ishinde «QazCovid-in» dep atalatyn bireýi erikti adamdarǵa synalyp úlgergen. Qazir synaqtyń 2 fazasynan da ótti. «Birinshi fazasynda 18 ben 50 jas aralyǵyndaǵy 44 adamǵa egildi. Ekinshi fazasy 30 qarashada aiaqtaldy. Ony 50 jastan asqan 200 adamǵa salyp kórdik. Klinikalyq zertteýler oń nátije kórsetip otyr. Vaktsina immýnogendik belsendilik týdyrady. COVID-19-dan qorǵaidy», - dedi professor. Tipti shilde aiynda vaktsinany oilap tabýǵa atsalysqan birneshe ǵalym ony óz aǵzalaryna synap kórgen. Lespek Kútimbetov qazaqstandyq vaktsina immýnogendik qasieti boiynsha reseilik «Spýtnik V»-dan kúshtirek bolatynyn jetkizdi.
