Búgin Almatyda qalalyq qoǵamdyq densaýlyq saqtaý basqarmasynyń basshysy Tileýhan Ábildaev pen qalalyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Halyqova brifing ótkizdi, dep habarlaidy "Ult aqparat".
Tileýhan Ábildaevtyń aitýynsha, Frankfýrt-Almaty baǵytynda kelgen reiste 68 adam bolǵan.
«Onyń 4-eýi tranzit arqyly basqa elge ushyp ketken. 40 adam turǵylyqty mekenjaiy boiynsha tabylyp, karantinge alyndy. Bizde barlyq jolaýshy týraly málimet bar, jeke tulǵalary anyqtalǵan», - deidi Tileýhan Ábildaev.
Al 12 naýryzda Almatyǵa kelgen reiste ekipajdy qosqanda barlyǵy 12 adam bolǵan. Onyń barlyǵy kelisimen birden oqshaýlandy.
Jalpy alǵanda Almatyǵa 24 aqpan men 13 naýryz aralyǵynda shetelden 11340 adam kelgen. Onyń 95.7%-y iaǵni 10852 adam meditsinalyq mekemeler baqylaýynda tur.
Eske sala ketsek, buǵan deiin basqarma basshysy Almatyda koronavirýspen kúreske qansha qarajat bólingenin jáne koronavirýs juqtyrǵan adamdardyń jaǵdaiyn aitqan edi.
