Qaziri kezde Almaty qalasynda koronavirýs juqtyrýdyń 48 rastalǵan jaǵdaiy anyqtalyp, 1 adam jazylyp shyqty. Bul týraly Qoǵamdyq densaýlyq basqarmasynyń basshysy Tileýhan Ábildaev onlain-brifing barysynda aitty, dep habarlaidy QazAqparat.
«Jańadan anyqtalǵan bes adamnyń ishinen tórteýi 26 naýryzda Minsk-Almaty reisimen ushyp keldi, bireýi 26 naýryzda Máskeý-Almaty reisimen ushyp keldi. Aýyrǵandardyń biri 15 naýryzda Ystanbul – Almaty reisimen ushyp keldi, 18 naýryzda jaqyn bailanys jasaýshy retinde oqshaýlanǵan, bastapqy taldaý qorytyndylary teris nátije bergen. 2020 jylǵy 26 naýryzda taldaýdy qaita tapsyrǵan kezde oń nátije shyqty, osy ýaqyt boiy ol oqshaýlaýda boldy. Jalpy, 45 naýqas jai-kúii – qanaǵattanarlyq, ÓJJ apparatyndaǵy áieldiń jaǵdaiy aýyr jáne 1 balada aýyrlyǵy ortasha dárejede jaqsarýda»,- deidi Tileýhan Ábildaev.
Qazirgi ýaqytta provizorlyq ortalyqtarda 1099 adam bar, onyń ishinde 72-i – bala. Karantindik ortalyqtarda 471 adam bar. Úi karantininde 2037 adam.
«Karantindegi barlyq adamnyń dene temperatýrasy qalypty jaǵdaida, kataraldyq simptomdary joq. Elge qaisybir elden ushyp kelse de, taldaýlar tapsyrý úshin ekikúndik karantinge ornalastyrylatyndyǵyn esterińizge sala keteiik. Mundai sharalar halyq arasynda koronavirýstyq infektsiianyń taralýyn boldyrmaý úshin qabyldandy. Olardan COVID-19-ǵa taldaýlar alynatyn bolady, eger infektsiia rastalmasa, olar úilerine shyǵarylady»,- dep qortyndylady ol.
Eske salaiyq, keshe bir áiel emdelip úiine shyǵarylǵan bolatyn. Ol endi emhana qyzmetkerleriniń 14 kúndik baqylaýymen úiinde bolady.
