Kanikýl aiaqtalǵan soń almatylyq oqýshylar onlain oqýǵa kóshedi, dep habarlaidy QazAqparat.
Almatyda epidemiologiialyq ahýal ýshyqty. Osyǵan bailanysty oqýshylar onlain formatta oqityn bolady.
«Almatyda 31 qańtarǵa deiin mektep oqýshylary qashyqtan oqidy. Al stýdentter 6 aqpanǵa deiin onlain formatta bilim alady», - dedi Almaty qalasynyń bas sanitarlyq dárigeriniń mindetin atqarýshy Sádýaqas Baiǵabylov.
Buǵan deiin ol Almaty qalasy «qyzyl» aimaqqa kirgeni týraly aitqan bolatyn.
«QR Bas memlekettik sanitarlyq dárigeriniń qaýlysyna sáikes, Almaty qalasynda shekteý sharalaryn qatańdatý 5 kún ishinde, múmkin odan buryn qabyldanatyn bolady. Árine, bul Almaty qalasyndaǵy sońǵy oqiǵalar aiasynda kásipkerler men qala turǵyndaryna qosymsha salmaq. Biraq, koronavirýs «eshqaida ketken joq», vaktsinalanbaǵan halyq ony óte kóp juqtyrp jatyr», - dedi ol.
