Almatyda apta sońyna deiin qosymsha 500 oryn ashylady. Bul týraly Almaty qalasynyń ákimi Baqytjan Saǵyntaev onlain brifing barysynda aitty, dep habarlaidy QazAqparat.
«Búginde qalada koronavirýspen kúreske qýattylyǵy 3 340 jatyn orynǵa shaqtalǵan 19 statsionar jumyldyrylǵan - ósim 7 esege kóbeigen. Psihikalyq densaýlyq ortalyǵynyń negizinde qosymsha 150 oryn, Ýrologiia ǵylymi ortalyǵynda 150 oryn ashyp, Halyk Arena bazasynyń negizinde 200 oryndy kezeńimen 1 000-ǵa deiin ulǵaitý kózdelip otyr. Osylaisha, osy aptanyń sońyna deiin qosymsha 500 oryn ázirlenedi. Sonymen birge, Halyk Arena bazasynyń negizinde jansaqtaý bólimi, tiisti quraldary bar tolyqqandy statsionar ashylady, naýqastarǵa ottegi oryndary qoljetimdi bolady»,– dedi Almaty ákimi.
Sonymen qatar, ol qalada koronavirýs infektsiiasynyń taralýyn boldyrmaý boiynsha barlyq baǵytta belsendi jumystar júrgizilip jatqanyn tilge tiek etti.
«Ambýlatorlyq deńgeide «virtýaldy infektsiialyq aýrýhana» ashyldy. Sonymen birge, COVID-19 juqtyrǵan muqtaj naýqastardy, baqylap, emin túzetý boiynsha, sonymen birge, táýlik boiǵy rejimde táýekel tobyndaǵy naýqastardyń asqynýynyń damýyn ambýlatorlyq deńgeide baqylaý úshin monitoring ortalyǵy jumysyn bastady. Atalǵan sharalar jaǵdailary aýyr naýqastardy, ásirese qart adamdardy baqylaýda ustaýǵa múmkindik beredi. Olardyń quramyna quramyna bólim meńgerýshileri, infektsionist dárigerler, epidemiologter, ýchaskelik dárigerler jáne meiirbikeler engen. Qazirgi ýaqytta 72 brigada mobilizatsiialandy jáne AMSK 297 qyzmetkeri jumyldyryldy», – dedi Baqytjan Saǵyntaev.
