الماتىدا اپتا سوڭىنا دەيٸن قوسىمشا 500 ورىن اشىلادى. بۇل تۋرالى الماتى قالاسىنىڭ ەكٸمٸ باقىتجان ساعىنتاەۆ ونلاين بريفينگ بارىسىندا ايتتى, دەپ حابارلايدى قازاقپارات.
«بٷگٸندە قالادا كوروناۆيرۋسپەن كٷرەسكە قۋاتتىلىعى 3 340 جاتىن ورىنعا شاقتالعان 19 ستاتسيونار جۇمىلدىرىلعان - ٶسٸم 7 ەسەگە كٶبەيگەن. پسيحيكالىق دەنساۋلىق ورتالىعىنىڭ نەگٸزٸندە قوسىمشا 150 ورىن, ۋرولوگييا عىلىمي ورتالىعىندا 150 ورىن اشىپ, Halyk Arena بازاسىنىڭ نەگٸزٸندە 200 ورىندى كەزەڭٸمەن 1 000-عا دەيٸن ۇلعايتۋ كٶزدەلٸپ وتىر. وسىلايشا, وسى اپتانىڭ سوڭىنا دەيٸن قوسىمشا 500 ورىن ەزٸرلەنەدٸ. سونىمەن بٸرگە, Halyk Arena بازاسىنىڭ نەگٸزٸندە جانساقتاۋ بٶلٸمٸ, تيٸستٸ قۇرالدارى بار تولىققاندى ستاتسيونار اشىلادى, ناۋقاستارعا وتتەگٸ ورىندارى قولجەتٸمدٸ بولادى»,– دەدٸ الماتى ەكٸمٸ.
سونىمەن قاتار, ول قالادا كوروناۆيرۋس ينفەكتسيياسىنىڭ تارالۋىن بولدىرماۋ بويىنشا بارلىق باعىتتا بەلسەندٸ جۇمىستار جٷرگٸزٸلٸپ جاتقانىن تٸلگە تيەك ەتتٸ.
«امبۋلاتورلىق دەڭگەيدە «ۆيرتۋالدى ينفەكتسييالىق اۋرۋحانا» اشىلدى. سونىمەن بٸرگە, COVID-19 جۇقتىرعان مۇقتاج ناۋقاستاردى, باقىلاپ, ەمٸن تٷزەتۋ بويىنشا, سونىمەن بٸرگە, تەۋلٸك بويعى رەجيمدە تەۋەكەل توبىنداعى ناۋقاستاردىڭ اسقىنۋىنىڭ دامۋىن امبۋلاتورلىق دەڭگەيدە باقىلاۋ ٷشٸن مونيتورينگ ورتالىعى جۇمىسىن باستادى. اتالعان شارالار جاعدايلارى اۋىر ناۋقاستاردى, ەسٸرەسە قارت ادامداردى باقىلاۋدا ۇستاۋعا مٷمكٸندٸك بەرەدٸ. ولاردىڭ قۇرامىنا قۇرامىنا بٶلٸم مەڭگەرۋشٸلەرٸ, ينفەكتسيونيست دەرٸگەرلەر, ەپيدەميولوگتەر, ۋچاسكەلٸك دەرٸگەرلەر جەنە مەيٸربيكەلەر ەنگەن. قازٸرگٸ ۋاقىتتا 72 بريگادا موبيليزاتسييالاندى جەنە امسك 297 قىزمەتكەرٸ جۇمىلدىرىلدى», – دەدٸ باقىتجان ساعىنتاەۆ.
