Almaty qalalyq Qoǵamdyq densaýlyq saqtaý basqarmasynyń basshysy Kamaljan Nadyrov koronavirýs infektsiiasy órshigen jaǵdaida aýrýhanalar bir táýlikte qansha naýqasty qabyldai alatynyn aitty, dep habarlaidy QazAqparat.
Onyń aitýynsha, statsionarlyq 6 myń tósek-ornyna táýligine 350 adamnan artyq jatqyzý – densaýlyq saqtaý júiesiniń kollapsyna alyp kelýi múmkin.
«Biz matematikalyq esep júrgizdik. Statsionarlyq ortalyqtardyń júktemesine birneshe faktor yqpal etedi. Oǵan – juqtyrýlar sany, túsken naýqas sany, naýqastardyń aýyrlyq dárejesi, olardyń tósek-orynda jatý ýaqyty jatady. Sáýir-mamyr ailarynda táýligine orta eseppen 100 patsient tússe, indettiń sharyqtaý sheginde 300-500 adamǵa deiin jatqyzyldy. Bul kórsetkish meditsinalyq mekemelerimizge úlken aýyrlyq týdyratyny anyqtaldy. Sondyqtan, patsientter aǵynyn retteýdiń qajettiligin túsindik. Táýligine 500 adam – Almaty densaýlyq saqtaý júiesi úshin kritikalyq núkte ekeni anyqtaldy. Bul kórsetkishten asqan jaǵdaida, ýaqytynda sharalardy qolǵa almaǵan jaǵdaida qalada meditsinalyq kollaps bastalýy yqtimal. Sebebi, oryn sany shekteýli», - dedi Kamaljan Nadyrov.
Basqarma basshysy osy baǵytta tósek-oryn qoryn tiimdi paidalaný qolǵa alynatynyn aitty.
«Meditsinada oryn qorynyń ainalymy degen bolady. Statsionarlarda bir aida bir orynda 3 patsient jatyp shyǵýy tiis. Bul tósek-oryndardy tiimdi paidalandyq degen sóz. Sondyqtan, kritikalyq núkteni asyp ketý – bizdiń densaýlyq saqtaý júiesi úshin óte tiimsiz. Biz táýligine 350 patsient degen shekti kórsetkishti ustap turýymyz kerek», - dedi ol.
Aita ketý kerek, pandemiianyń sharyqtaý shegi bolǵan shilde aiynda Almaty meditsinalyq mekemelerinde oryn tapshylyǵy týyndady.
