الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ كوروناۆيرۋس ينفەكتسيياسى ٶرشٸگەن جاعدايدا اۋرۋحانالار بٸر تەۋلٸكتە قانشا ناۋقاستى قابىلداي الاتىنىن ايتتى, دەپ حابارلايدى قازاقپارات.
ونىڭ ايتۋىنشا, ستاتسيونارلىق 6 مىڭ تٶسەك-ورنىنا تەۋلٸگٸنە 350 ادامنان ارتىق جاتقىزۋ – دەنساۋلىق ساقتاۋ جٷيەسٸنٸڭ كوللاپسىنا الىپ كەلۋٸ مٷمكٸن.
«بٸز ماتەماتيكالىق ەسەپ جٷرگٸزدٸك. ستاتسيونارلىق ورتالىقتاردىڭ جٷكتەمەسٸنە بٸرنەشە فاكتور ىقپال ەتەدٸ. وعان – جۇقتىرۋلار سانى, تٷسكەن ناۋقاس سانى, ناۋقاستاردىڭ اۋىرلىق دەرەجەسٸ, ولاردىڭ تٶسەك-ورىندا جاتۋ ۋاقىتى جاتادى. سەۋٸر-مامىر ايلارىندا تەۋلٸگٸنە ورتا ەسەپپەن 100 پاتسيەنت تٷسسە, ٸندەتتٸڭ شارىقتاۋ شەگٸندە 300-500 ادامعا دەيٸن جاتقىزىلدى. بۇل كٶرسەتكٸش مەديتسينالىق مەكەمەلەرٸمٸزگە ٷلكەن اۋىرلىق تۋدىراتىنى انىقتالدى. سوندىقتان, پاتسيەنتتەر اعىنىن رەتتەۋدٸڭ قاجەتتٸلٸگٸن تٷسٸندٸك. تەۋلٸگٸنە 500 ادام – الماتى دەنساۋلىق ساقتاۋ جٷيەسٸ ٷشٸن كريتيكالىق نٷكتە ەكەنٸ انىقتالدى. بۇل كٶرسەتكٸشتەن اسقان جاعدايدا, ۋاقىتىندا شارالاردى قولعا الماعان جاعدايدا قالادا مەديتسينالىق كوللاپس باستالۋى ىقتيمال. سەبەبٸ, ورىن سانى شەكتەۋلٸ», - دەدٸ كامالجان نادىروۆ.
باسقارما باسشىسى وسى باعىتتا تٶسەك-ورىن قورىن تيٸمدٸ پايدالانۋ قولعا الىناتىنىن ايتتى.
«مەديتسينادا ورىن قورىنىڭ اينالىمى دەگەن بولادى. ستاتسيونارلاردا بٸر ايدا بٸر ورىندا 3 پاتسيەنت جاتىپ شىعۋى تيٸس. بۇل تٶسەك-ورىنداردى تيٸمدٸ پايدالاندىق دەگەن سٶز. سوندىقتان, كريتيكالىق نٷكتەنٸ اسىپ كەتۋ – بٸزدٸڭ دەنساۋلىق ساقتاۋ جٷيەسٸ ٷشٸن ٶتە تيٸمسٸز. بٸز تەۋلٸگٸنە 350 پاتسيەنت دەگەن شەكتٸ كٶرسەتكٸشتٸ ۇستاپ تۇرۋىمىز كەرەك», - دەدٸ ول.
ايتا كەتۋ كەرەك, پاندەمييانىڭ شارىقتاۋ شەگٸ بولعان شٸلدە ايىندا الماتى مەديتسينالىق مەكەمەلەرٸندە ورىن تاپشىلىعى تۋىندادى.
