Almaty ákimi Baqytjan Saǵyntaev turǵyndarǵa jariialaǵan úndeýinde qalanyń shekarasyn kúzetýge 27 beket ornatylatynyn aitty, dep habarlaidy QazAqparat.
«Tez tarap jatqan virýs bizdi jyldam sheshim shyǵarýǵa májbúr etýde. Sondyqtan men tótenshe jaǵdai rejimin qamtamasyz etý jónindegi memlekettik komissiiaǵa qalada karantin engizý týraly usynys engizdim. Bul sheshim 1 saǵat buryn qabyldandy. Qalada karantin 19 naýryzda túngi saǵat 00:00-de engiziledi. Almatydaǵy karantinniń basty maqsaty - infektsiianyń tez taralýyn toqtatý. Azamattar men avtokólik quraldaryn Almatyǵa kirip shyǵýyn shekteý úshin Almatyǵa kireberisterde 27 blok beketi ornatylady. Blok beketterinde politsiia patrýldik polkiniń, Qorǵanys ministrliginiń, Ulttyq gvardiia bólimsheleriniń kúshteri jumyldyrylady», - dedi Baqytjan Saǵyntaev.
Sonymen qatar, qala ákimi qalada trotýarlardy jýý jáne dezinfektsiialaý arqyly juqtyrý oryndaryn buǵattaýdy qolǵa almaq. Turǵyn úilerde sanitarlyq epidemiologiialyq dezinfektsiialaýdy kúsheitý jáne irgeles aýmaqtardy sanitarlyq tazalaý júzege asady.
Aita ketý kerek, karantin rejimi 19 naýryzda túngi saǵat 00:00-de iske qosylady.
