QR Prezidenti Qasym-Jomart Toqaevtyń tapsyrmasy boiynsha Almaty qalasynyń turǵyndary arasynda koronavirýstyq infektsiia jaǵdaiy tirkelgen jaǵdaida áreket etý algoritimine sáikes, bilim berý mekemeleriniń jumys formatyna ózgerister engizildi, dep habarlaidy "Ult aqparat".
Epidemiologiialyq jaǵdai turaqtanǵanǵa deiin qosymsha bilim berý nysandarynda (oqýshylar úii, mýzykalyq mektepterde) bilim berýge tyiym salyndy. Sonymen qatar, balalardyń oryny saqtalady, ata-analardan oqý aqysy alynbaidy.
Jalpy, Almatyda 266 mektep, 80 kolledj bar. 16 naýryzdan bastap mektepterde demalys jariialandy. Oqýshylarǵa demalys kezinde ekskýrsiiaǵa barýǵa tyiym salyndy. Kolledj stýdentteri 16 naýryzdan bastap qashyqtan bilim alýǵa kóshedi.
Bilim berý salasyndaǵy qyzmetkerler boiynsha 3 sanat anyqtaldy. Ákimshilik-basqarý qyzmetkerleri – basshy, orynbasarlar jáne tehnikalyq qyzmetkerler ádettegi rejimde, al pán muǵalimderi úide otyryp, qashyqtan jumys istei alady. Bul rette olardyń jalaqysy tolyq kólemde saqtalady. Aqyly eńbek demalysyn resimdeýge tilek bildirgen qyzmetkerlerdiń qalaýy tolyq qanaǵattandyrylady.
