Dúniejúzi boiynsha ortalyq bankter koronavirýstyń áserin azaitý boiynsha kelisilgen kúsh-jigerdi jariialaǵanyna qaramastan, álemdik qor naryǵy qulady, dep habarlaidy VVS agenttigi.
London qor birjasynyń FTSE 100 indeksi saýdanyń bastapqy kezine qaraǵanda 7% túsip ketti. Onyń aldynda Aziiada kúrt tómendep, aqyry jabylǵan.
Jeksenbide AQSh-tyń Federaldy rezervtik júiesi paiyzdyq mólsherlemeni nólge deiin tómendetip, eýroaimaq, Ulybritaniia, Japoniia, Kanada jáne Shveitsariiamen kelisilgen is-sharalar aiasynda 700 mlrd. dollar kóleminde yntalandyrý baǵdarlamasyn iske qosty. Alaida, investorlar ortalyq bankterde koronavirýstyń áserin sheshýdiń múmkindigi az dep alańdaidy. Londonda aviakompaniialardyń aktsiialary eń úlken quldyraýdy bastan keshýde.
British Airways áýekompaniiasyna ielik etetin IAG (International Airlines Group) aktsiialary kompaniia aǵymdaǵy jyldyń sáýir-mamyr ailarynda ótkizý qabilettiligin kem degende 75%-ǵa tómendetkenin jariialaǵannan keiin 20%-dan astamǵa tómendedi. EasyJet aktsiialary áýe kompaniiasy kóptegen reisterdiń yqtimal tómendeýi týraly jariialaǵannan keiin shamamen 30%-ǵa tómendedi. Frantsiialyq
SAS 40 9%-dan astam quldyrasa, nemisterdiń DAH indeksi 8%-dan astam quldyrady.
Jeksenbide AQSh-tyń ortalyq banki Federaldy rezervtik bank paiyzdyq stavkalardy 100 bazistik pýnktke 0%-dan 0,25% deńgeiine deiin túsirip, aldaǵy aptalarda naryqty qoldaý úshin kem degende 700 mlrd. dollar usynatynyn málimdedi.
Baspasóz-konferentsiiasynda sóz alǵan Federaldy rezervtik júieniń basshysy Djerom Paýell «Virýs ekonomikaǵa óte qatty áser etýde» dedi.
Investorlar dúniejúzilik ekonomikalyq klimat nasharlai berse, álemdegi eń iri ortalyq bankterde koronavirýstyń áserin jeńýge qarajat jetispeýi múmkin dep qorqady.
FRJ-men qatar taǵy bes ortalyq bank - Angliia banki, Eýropalyq ortalyq bank, Japoniia banki, Kanada banki jáne Shveitsariia Ulttyq banki ózderiniń qarjy institýttaryna dollarmen qamtamasyz etýdi jeńildetý sharalaryn jariialady. Bul shara bankter men kompaniialar sońǵy birneshe aptada quny ósken AQSh dollary úshin tóleitin baǵany tómendetýge arnalǵan.
