Nur-Sultan qalasy Taýarlar men qyzmetter qaýipsizdigi jáne sapasyn baqylaý departamentiniń basshysy Zeken Isakov koronavirýstyń taralý qaýpin azaitý úshin qandai sharalar qabyldanyp jatqany týraly aitty, dep habarlaidy "Ult aqparat".
«Departament mamandary aýrý juqtyrǵandarmen qarym-qatynasta bolǵandardy anyqtaýǵa qatysty barlyq sharany qabyldaýda. Bailanysta bolǵan adamdar týraly málimet berýden bas tartqan jaǵdai tirkeldi. Ol týraly material qalalyq politsiia departamentine jiberilip, qylmystyq is qozǵaldy», - deidi Zeken Isakov Habar 24 arnasynda ótken onlain brifingte.
Onyń aitýynsha, Nur-Sultan qalasyna kelgen adamdardy statsionarda bir táýlikke karantinde ustalyp, koronavirýs juqtyrǵan-juqtyrmaǵany zerthanalyq jaǵdaida anyqtalýda.
«Nátijesi shyqqan soń kimniń statsionarlyq jaǵdaida bola turýy kerek ekeni jáne kim 13 táýlik boiy úi jaǵdaiyndaǵy karantinde bolýy kerek ekeni anyqtalady. Elordaǵa kelgender ishinde tumaý belgisi, dene qyzýy kóterilip turǵan adamdar joq», - deidi ol.
