«Qoǵamdyq densaýlyq saqtaý joǵary mektebi» Epidemiologiia, biostatistika jáne dáleldi meditsina kafedrasynyń dotsenti, meditsina ǵylymdarynyń kandidaty, dáleldi meditsina sarapshysy Rafail Qypshaqbaev COVID-19 virýsynyń aǵzaǵa qalai áser etetinin aityp berdi, dep habarlaidy QazAqparat.
«Tájiribe kórsetkendei, koronavirýs infektsiiasyn qaita juqtyrý jaǵdaiy aldyńǵymen salystyrǵanda anaǵurlym jeńil ótedi. Adam boiyndaǵy antideneler deńgeii tómendeidi, biraq toǵyspaly immýnitet saqtalady. Bul jaǵdaida barlyǵyna virýs juǵady. Úshinshiden, mýtatsiialanǵan virýs jasyraq adamdarǵa da juǵýy múmkin. Buryn qant diabeti, artyq salmaq, ilespe aýrýy barlardyń qaýipti topta ekeni aitylsa, qazir mýtatsiialanǵan virýs úshin mundai sharttylyq azaiady. Koronavirýsty qaita juqtyrý burynǵydan ońaiyraq ótedi», - deidi R. Qypshaqbaev.
Suhbat barysynda dáriger «Kovidti saýsaqtar» simptomynyń qalai paida bolatynyn túsindirdi. Qarasha aiyndaǵy derekter boiynsha, COVID-19 juqtyrǵan 12 myń adamnyń aiaǵyndaǵy úsik shalý belgilerin eske túsiretin qatty titirkený men qyzarý paida bolǵan. Dermatologtar bul qubylysty «Kovidti saýsaqtar» dep atady. Naýqastar saýsaqtary men barmaqtarynda paida bolǵan qyzyl jáne kúlgin túinekter aýyratynyn, biraq qyshymaitynyn aitqan. Bórtpe jazylǵan soń, teriniń joǵarǵy qabattary túsýi múmkin.
Dárigerdiń aitýynsha, koronavirýs neirotroptyq virýs bolyp sanalady. Ol júike joldaryna teris áserin tigizedi. Bul jaǵdaida neirotrofika, zat almasý jumysy buzylady dep boljaýǵa bolady. Iaǵni ol «Kovidti saýsaqtar» túrinde kórinis tabady.
Sonymen birge Rafael Qypshaqbaev immýnitetti kóterýdiń jáne nyǵaitýdyń qarapaiym ádisterin atady.
«Immýnitetti kóteretin siqyrly dári joq, immýnitet kóteredi dep jarnamalanyp jatqan zattar da olai jumys istemeidi. Bul feik. Immýnitetti nyǵaityp, kóterý úshin qarapaiym erejelerdi ustaný jetkilikti: qalypty jáne durys tamaqtaný, durys uiqy (kem degende 6-8 saǵat), fizikalyq belsendilik. Qart adamdar kóshede uzaq ýaqyt serýendese jetkilikti, al jastarǵa júgirý qajet. Barlyq qarapaiym sharalar immýnitettiń kez kelgen infektsiialarmen kúresýge daiyn etedi. Siqyrly dári retinde satylatyn nárseniń bári – marketing», - deidi Rafail Qypshaqbaev.
Buǵan deiin Rafail Qypshaqbaev koronavirýstyń mýtatsiiasy men kezekti tolqynynyń aldyn alý jóninde suhbat bergen edi.
«Koronavirýs jóninde pikir bildirý óte qiyn. Bul degenimiz qaiyry joq, jańa ári zerttelmegen is. Biz qazir tek boljam jasai alamyz. Qolda bar derekterge súiene otyryp, qandai da bir stsenarii qurýǵa bolady, biraq eshkim naqty eshteńe aita almaidy. Sondyqtan infektsiia taralady degen boljam bar. Ázirge eń yqtimal boljam osy», - deidi sarapshy.
