QR Aqparat jáne qoǵamdyq damý ministri Dáýren Abaev qazaqstandyqtardy koronavirýs infektsiiasynyń taralýyna qatysty dúrbeleńge salynbaýǵa shaqyrdy, dep habarlaidy QazAqparat.
«Halyqtyń reaktsiiasy túsinikti, bul jaǵdaida qorqynyshtyń bolýy qalypty, onda kinálaityndai jáne uiatty eshteńe joq. Biraq, qorqynyshtyń ártúrli bolatynyn túsiný kerek. Qazir siz ben biz úreiden arylýǵa tiispiz. Óitkeni qorqynysh máselege baiypty jáne naqty qaraýǵa múmkindik bermeidi», - dedi vedomstvo basshysy «Habar» telearnasyndaǵy «Ashyq dialog» baǵdarlamasynda.
Ministr qorqynyshty jeńý - bul bórikti aspanǵa laqtyryp, jalǵan batyldyqty kórsetý emestigin atap ótti.
«Búgingi tańda qazaqstandyqtardan qandai da bir qaharmandyqty eshkim talap etpeidi. Bar bolǵany qarapaiym qaǵidalardy ustaný kerek. Bul erejeler esh qiyn emes jáne ony barlyǵy jaqsy biledi», - dedi D. Abaev.
