12 qańtarda Qazaqstan aýmaǵyna Germaniia, Korei, Maldiv, BAÁ, Túrkiia, RF, Tájikstan, Qyrǵyzstan jáne Ózbekstan elderinen barlyǵy 16 halyqaralyq áýe reisi ushyp keldi, dep habarlaidy "Ult aqparat".
Densaýlyq saqtaý ministrligi Sanitariialyq-epidemiologiialyq baqylaý komitetiniń málimetinshe, barlyǵy 1 764 jolaýshy ushyp kelgen. Onyń ishinde 1670 adamda koronavirýsqa PTR-testileýdiń teris nátijesi bar anyqtama bolǵan. Anyqtamasyz 94 azamat kelgen, barlyǵy da Qazaqstan azamattary.
Atap aitqanda,
- Almaty qalasynyń áýejaiyna – barlyǵy 7 reis qonǵan, 1 401 jolaýshy bolǵan, onyń ishinde anyqtamamen - 1 350, anyqtamasyz - 51;
- Nur-Sultan qalasynyń áýejaiyna – 7 reis, 322 jolaýshy, anyqtamamen – 319, anyqtamasyz - 3;
- Aqtóbe qalasynyń áýejaiyna – 1 reis, 1 jolaýshy anyqtamamen keldi;
- Shymkent qalasynyń áýejaiyna – 1 reis, 40 jolaýshy anyqtamasyz keldi.
«Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - delingen aqparatta.
Sondai-aq taratylǵan aqparatqa sáikes, 11 qańtar kúni shetelden koronavirýsqa anyqtamasyz ushyp elgen Qazaqstannyń 163 azamatynyń PTR-test qorytyndysy daiyn bolǵan. Olardyń eshbirinen koronavirýs anyqtalmady.
