6 qańtardaǵy jaǵdai boiynsha, Qytaidan kelgen qazaqstandyq jáne sheteldik azamattardan koronavirýs belgileri anyqtalǵan joq. Bul týraly Densaýlyq saqtaý ministrliginiń resmi ókili Dias Ahmetshárip aitty , dep habarlaidy "Ult aqparat".
«Qazirge deiin jalpy 110 adam dene qyzýymen jáne JRVI belgilerimen aýrýhanaǵa jatqyzyldy. Onyń ishinde 105 naýqas jańa koronovirýstyq infektsiiaǵa tekserildi. Koronavirýs anyqtalǵan joq. 80 adam úilerine qaitaryldy. 30 adam aýrýhanada jatyr», - deidi Dias Ahmetshárip.
Onyń aitýynsha, naýqastardyń jaǵdaiy jaqsy.
«Ýhan qalasynan Nur-Sultan, Tashkent jáne Túmen qalalaryna evakýatsiialanǵan bizdiń jáne Belarýs pen Armeniia azamattarynyń densaýlyq jaǵdaiy jaqsy. Olar Densaýlyq saqtaý ministrliginiń turaqty baqylaýynda», - deidi ol.
