COVID-19 juqtyrǵan 64 adam jansaqtaý bóliminen palatalarǵa aýystyryldy, dep habarlaidy "Ult aqparat" Densaýlyq saqtaý ministrligine silteme jasap.
Búgingi kúni elimizde 64 patsient qarqyndy terapiiadan palataǵa aýystyrylyp, olardyń bir bóligi jazylyp úilerine qaitty. Sonymen qatar, 2 patsient Nur-Sultanǵa ýaqytyly jetkizilip, EKMO apparatyna qosyldy. Qazir olardyń jaǵdaiy qanaǵattanarlyq dep baǵalanady. Bunyń barlyǵy - Eksperttik top jumysynyń nátijesi.
Aita ketsek, Qazaqstan Respýblikasynda koronavirýsty infektsiia (KVI nemese COVID-19) juqtyrǵan patsientterge diagnostikalyq, terapevtik jáne qarqyndy kómek kórsetý maqsatynda Densaýlyq saqtaý ministriniń buiryǵymen infektsiiany juqtyrǵan patsientterge qarqyndy terapiia kórsetetin eksperttik top qurylǵan bolatyn.
Eksperttik toptyń negizgi tapsyrmasy – elimizdegi meditsinalyq uiymdarda em alyp jatqan COVID-19 bar aýyr jáne asa aýyr haldegi patsientterge kórsetiletin emdik-diagnostikalyq kómek ádisin qadaǵalaý men olarǵa túzetýler engizý.
