25 aqpan kúni Qazaqstan aýmaǵyna Maldiv Respýblikasy, BAÁ, Mysyr, Túrkiia, Resei, Ózbekstan jáne Qyrǵyzstannan 15 halyqaralyq áýe reisi ushyp keldi, dep habarlaidy "Ult aqparat".
QR DSM Sanitariialyq - epidemiologiialyq baqylaý komitetinen málim etkendei, bir táýlikte elimizge shetelden barlyǵy 2178 jolaýshy ushyp keldi. Olardyń 1682-sinde koronavirýsqa PTR-testileýdiń teris nátijesi bar anyqtama bolǵan. Qalǵan 496-synda anyqtama bolǵan joq, barlyǵy da Qazaqstan azamattary.
Atap aitqanda:
- Almaty qalasynyń áýejaiyna – 10 reis, 1 169 jolaýshy, anyqtamamen - 877, anyqtamasyz - 292;
- Nur-Sultan qalasynyń áýejaiyna – 5 reis, 1 009 jolaýshy, anyqtamamen - 805; anyqtamasyz - 204.
Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
Sondai-aq 24 aqpanda shetelden anyqtamasyz kelgen Qazaqstannyń 284 azamatynyń PTR-taldaýlarynyń nátijesi daiyn bolǵan – eshbir jolaýshyda koronavirýs tabylǵan joq.
