Kambodja biligi «Westerdam» krýizdik lainerin qabyldaýǵa kelisti. Ol bortynda koronavirýs juqtyrǵan adamdar bolýy múmkin degen qaýipke bailanysty birneshe kún boiy Aziianyń ártúrli porttarynda bailaýly turǵan edi, dep habarlaidy Kyodo agenttigi.
Bortynda 1455 jolaýshy men 802 ekipaj múshesi bolǵan «Westerdam» kemesi beisenbi kúni Kambodja úkimeti ruqsat bergennen keiin ońtústik-batystaǵy Sianýkvil portyna toqtady.
Jolaýshylarǵa kemeden shyǵýǵa ruqsat bererden buryn densaýlyq saqtaý ókilderi bortqa kirip, meditsinalyq tekserý júrgizdi.
Kambodja densaýlyq saqtaý ministri Mam Býnhenganyń aitýynsha, aýyrǵan 20 jolaýshydan alynǵan synama COVID-19 koronavirýsyna teris nátije bergen. Kemeden shyqqan jolaýshylardy Kambodja premer-ministri Hýn Sen kútip aldy.
Lainer Gonkongtan 1 aqpanda 14 kúndik krýiz jasaý úshin shyǵyp, Japoniiaǵa barýy kerek edi. Alaida, bul memleket keme operatorynan Gonkongke oralýyn suraǵan. Lainerdi Gýam, Filippin, Tailand jáne Taivan qabyldaýdan bas tartqan.
Holland America Line keme operatory óz bortynda COVID-19 juqtyrǵandar joqtyǵyn birneshe ret málimdegen edi.
Eske salaiyq, Kambodja eli 2300-ge jýyq adamy bar «Westerdam» krýizdik lainerin qabyldaýǵa ruqsat bergenin buǵan deiin jazǵan bolatynbyz.
