كامبودجا بيلٸگٸ «Westerdam» كرۋيزدٸك لاينەرٸن قابىلداۋعا كەلٸستٸ. ول بورتىندا كوروناۆيرۋس جۇقتىرعان ادامدار بولۋى مٷمكٸن دەگەن قاۋٸپكە بايلانىستى بٸرنەشە كٷن بويى ازييانىڭ ەرتٷرلٸ پورتتارىندا بايلاۋلى تۇرعان ەدٸ, دەپ حابارلايدى Kyodo اگەنتتٸگٸ.
بورتىندا 1455 جولاۋشى مەن 802 ەكيپاج مٷشەسٸ بولعان «Westerdam» كەمەسٸ بەيسەنبٸ كٷنٸ كامبودجا ٷكٸمەتٸ رۇقسات بەرگەننەن كەيٸن وڭتٷستٸك-باتىستاعى سيانۋكۆيل پورتىنا توقتادى.
جولاۋشىلارعا كەمەدەن شىعۋعا رۇقسات بەرەردەن بۇرىن دەنساۋلىق ساقتاۋ ٶكٸلدەرٸ بورتقا كٸرٸپ, مەديتسينالىق تەكسەرۋ جٷرگٸزدٸ.
كامبودجا دەنساۋلىق ساقتاۋ مينيسترٸ مام بۋنحەنگانىڭ ايتۋىنشا, اۋىرعان 20 جولاۋشىدان الىنعان سىناما COVID-19 كوروناۆيرۋسىنا تەرٸس نەتيجە بەرگەن. كەمەدەن شىققان جولاۋشىلاردى كامبودجا پرەمەر-مينيسترٸ حۋن سەن كٷتٸپ الدى.
لاينەر گونكونگتان 1 اقپاندا 14 كٷندٸك كرۋيز جاساۋ ٷشٸن شىعىپ, جاپونيياعا بارۋى كەرەك ەدٸ. الايدا, بۇل مەملەكەت كەمە وپەراتورىنان گونكونگكە ورالۋىن سۇراعان. لاينەردٸ گۋام, فيليپپين, تايلاند جەنە تايۆان قابىلداۋدان باس تارتقان.
Holland America Line كەمە وپەراتورى ٶز بورتىندا COVID-19 جۇقتىرعاندار جوقتىعىن بٸرنەشە رەت مەلٸمدەگەن ەدٸ.
ەسكە سالايىق, كامبودجا ەلٸ 2300-گە جۋىق ادامى بار «Westerdam» كرۋيزدٸك لاينەرٸن قابىلداۋعا رۇقسات بەرگەنٸن بۇعان دەيٸن جازعان بولاتىنبىز.
