25 tamyz kúngi jaǵdai boiynsha koronavirýstyq infektsiiamen aýyrǵandarǵa qatysty málimet jariialandy, dep habarlaidy "Ult aqparat".
Qazirgi ýaqytta koronavirýstyq infektsiiadan 9 963 adam em qabyldaýdy jalǵastyrýda. Olardyń arasynda 49 óskinshek bala bar. Statsionarlarda 5 248 naýqas jatyr. 4 715 adam ambýlatoriialyq jaǵdaida emdelýde.
Jalpy naýqastardyń arasynda 308 adamnyń ahýaly nashar. Sonyń ishinde 61 naýqastyń ahýaly asa qatty aýyr dep baǵalanýda. 47 naýqas ókpeni jasandy jeldetý apparatynda jatyr.
QR Densaýlyq saqtaý ministrligi budan bylai ár táýliktegi ahýal týraly aqparatty kún saiyn únemi úzbei jariialap otyrady. Barlyq málimet resmi saitta jáne vedmostvanyń áleýmettik jelilerdegi paraqshalary arqyly taratylady.
Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady.
Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy press-brifingte habarlap turady.
