COVID-19-ben kúresýge tartylǵan 1 727 meditsina qyzmetkeri koronavirýstyq infektsiiany nemese virýstyq pnevmoniiany juqtyrǵan jaǵdaida memlekettik áleýmettik saqtandyrý qorynan (MÁSQ) beriletin birjolǵy áleýmettik tólemdi aldy, dep habarlaidy "Ult aqparat".
«MÁSQ aýrýdyń saldarynan qaitys bolǵan 24 meditsina qyzmetkeriniń týystaryna tólemder aýdardy. Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy. Ótinimderdiń jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-ǵa beriledi. Osydan soń tólem taǵaiyndaý úshin MÁSQ-ǵa jiberiledi», - delingen Eńbek ministrligi habarlamasynda.
21 qyrkúiek saǵat 9:00-degi jaǵdai boiynsha MÁSQ COVID-19 nemese virýstyq pnevmoniia juqtyrǵan 1 727 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 24 meditsina qyzmetkeriniń ótinish boiynsha aqshalai qarajatty taǵaiyndaý men tóleýdi júzege asyrdy.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Nur-Sultan (393) jáne Almaty (373), Shymkent (102) qalalary, Qaraǵandy (115), jáne Aqmola (107) oblystary boiynsha júrgizildi.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń birlesken buiryǵyna biyldyń 22 shildesinde engizilgen ózgeristerge sáikes joǵaryda kórsetilgen tólem: koronavirýstyq infektsiia nemese virýstyq pnevmoniia juqtyrǵan meditsina qyzmetkerlerine – 2 mln teńge, al COVID-19 koronavirýstyq infektsiiasyn juqtyrǵannan, virýstyq pnevmoniiamen aýyryp qaitys bolǵan jaǵdaida olardyń otbasyna 10 mln teńge kóleminde tólenedi.
